VITAMIN D DEFITSITINING INSULINREZISTENTLIK VA PREDIABET PROGRESSIYASIDAGI ROLI

Abstract

So‘nggi o‘n yilliklarda D vitaminining nafaqat suyak to‘qimasi metabolizmida , balki uglevod almashinuvi va endokrin gomeostazni boshqarishda ham muhim ahamiyat kasb etishi haqidagi ilmiy dalillar tobora ko‘payib bormoqda . Ushbu maqolada D vitamini defitsitining insulinrezistentlik rivojlanishi, β-hujayralar funksiyasi buzilishi va prediabetning 2-tip qandli diabetga progressiyasidagi o‘rni tahlil qilingan . Epidemiologik tadqiqotlar natijalari D vitaminining past konsentratsiyasi glikemik nazoratning yomonlashishi , insulin sezuvchanligining kamayishi va metabolik sindrom rivojlanish xavfining ortishi bilan bog‘liqligini ko‘rsatadi . Maqolada D vitaminining molekular ta’sir mexanizmlari , yallig‘lanish jarayonlariga ta’siri hamda insulin signalizatsiyasidagi ishtiroki haqidagi zamonaviy qarashlar umumlashtirilgan . Shuningdek , D vitamini defitsitini o‘z vaqtida aniqlash va korreksiya qilishning prediabet profilaktikasidagi ahamiyati baholangan.