BOLALARNI MAKTABGA TAYYORLASH TUSHUNCHASI.

Abstract

Ushbu maqola “Bolalarni maktabga tayyorlash tushunchasi” masalasini kompleks yondashuv asosida tahlil qiladi. Maqolada bolaning maktabga tayyorlanish jarayoni faqat aqliy tayyorgarlik bilan cheklanmasligi, balki uning psixologik, emotsional va ijtimoiy rivojlanishiga ham katta e’tibor qaratilishi lozimligi haqida gap boradi. Erta yosh davridagi tarbiya, ya’ni g‘odaklik davridagi 3 yoshgacha bo‘lgan davrning ahamiyati Masaru Ibuka “Uchdan keyin kech” asari asosida ta’kidlanadi. Shuningdek, maqola maktabgacha ta’limda ota-onalar va tarbiyachilarning, xususan, malakali pedagoglarning roli, guruh tarkibi va amaliyotga o‘xshash tayyorgarlik jarayonining ahamiyatini ko‘rsatadi. Hududiy rivojlanish va qishloq, tuman hududlarida sifatli ta’limni ta’minlash borasida Prezidentning qabul qilingan qarori muhim o‘rin egallaydi. Umuman olganda, maqola maktabga tayyorlash tizimini yaxshilash va har bir bolaning individual salohiyatini rivojlantirishga qaratilgan yondashuvlarni tavsiflaydi.